Пентагон рыхтуецца да новых удараў па Іране – СМІ

Рэдакцыя Reform.news · 8 кастрычніка 2026, 07:42

https://reform.news/be/pentagon-ryhtuecca-da-novyh-udara-pa-irane-smi/

Пентагон даў указанне Цэнтральнаму камандаванню ЗША, якое адказвае за аперацыі на Блізкім Усходзе, завяршыць падрыхтоўку да аднаўлення маштабных баявых дзеянняў супраць Ірана. Пра гэта паведамляе Axios са спасылкай на афіцыйных асоб.

У загадзе не пазначана канкрэтная дата ўдараў. Прэзідэнт ЗША Дональд Трамп яшчэ не прыняў рашэнне наконт гэтага. Крыніцы выдання ў ЗША і Ізраілі дапускаюць, што Іран можа быць зноў атакаваны яшчэ да выбараў у ЗША і Ізраілі.

Гаворка можа ісці пра ўдары па іранскіх энергетычных, ядзерных і інфраструктурных аб’ектах.

У пятніцу каманда Трампа па пытаннях нацыянальнай бяспекі правяла некалькі гадзін у Кэмп-Дэвідзе, абмяркоўваючы вайну і іншыя пытанні. Частка сустрэчы была прысвечана аднаўленню ўдараў па Іране.