Фото: МЧС
Пашкоджаныя ўчорашнім выбухам паверхі дома ў Гомелі будуць разабраныя. Такое рашэнне прынялі на пасяджэнні гарадскога штаба па ліквідацыі наступстваў здарэння на вуліцы Косарава, перадае МНС.
«Асаблівая ўвага была нададзена ацэнцы канструктыўных элементаў будынка і вызначэнню далейшых дзеянняў адносна пацярпелага пад’езда і двух суседніх. Прынята рашэнне аб дэмантажы верхніх паверхаў пацярпелага пад’езда», — гаворыцца ў паведамленні.
Падчас пасяджэння таксама было падкрэслена, што прыярытэтам з’яўляецца «адрасная работа з кожным жыхаром пацярпелага пад’езда».
Спецыялісты павінны вызначыць неабходны аб’ём дапамогі і падтрымкі для кожнага з 78 чалавек, якія пражывалі ў зоне здарэння.