Денис Кучинский. Скриншот Офиса Светланы Тихановской
Памілаваных учора палітвязняў, якія застаюцца ў Беларусі, будуць вызваляць сёння і заўтра. Пра гэта паведаміў дарадца Ціханоўскай Дзяніс Кучынскі.
“Вызваленне 235 нашых герояў павінна адбывацца як сёння, так і заўтра. Я застаюся ў пастаянным кантакце з нашымі амерыканскімі партнёрамі”, — сказаў ён.
Нагадаем, учора пасля перамоваў Аляксандра Лукашэнкі і спецпасланніка прэзідэнта ЗША Джона Коўла было абвешчана пра памілаванне 250 чалавек. 15 з іх былі без дакументаў вывезены з Беларусі ў Літву. Пры гэтым 235 чалавек павінны былі выйсці на волю ў Беларусі. Па стане на сённяшнюю раніцу ніводзін з іх не выйшаў на волю. Палітвязняў пачалі выпускаць пазней. Інфармацыя праваабаронцаў пра гэта з’явілася прыкладна ў той жа час, калі прэс-служба Лукашэнкі пачала публікаваць яго каментарыі наконт учарашніх перамоваў.