Палата прадстаўнікоў ратыфікавала бязвіз з М’янмай
Рэдакцыя Reform.news · 17 красавіка 2026, 14:32
https://reform.news/be/palata-pradsta-niko-ratyfikavala-bjazviz-z-m-janmaj/Дэпутаты Палаты прадстаўнікоў ратыфікавалі міжурадавае пагадненне Беларусі і М’янмы аб узаемнай адмене віз.
Яно было падпісана ў лістападзе мінулага года. Пагадненне прадугледжвае, што грамадзяне дзвюх краін могуць знаходзіцца без візы на тэрыторыі іншай краіны не больш за 30 дзён з даты ўезду. Агульная працягласць бязвізавага знаходжання не павінна перавышаць 90 дзён у каляндарным годзе.
Акрамя таго, сёння былі ратыфікаваны:
- Пагадненне аб парадку знаходжання грамадзян Рэспублікі Беларусь на тэрыторыі Кыргызскай Рэспублікі і грамадзян Кыргызскай Рэспублікі на тэрыторыі Рэспублікі Беларусь.
- Пагадненне паміж Урадам Рэспублікі Беларусь і Кабінетам Міністраў Кыргызскай Рэспублікі аб рэадмісіі.
- Пагадненне аб свабодным гандлі паміж Еўразійскім эканамічным саюзам і яго дзяржавамі-членамі, з аднаго боку, і Рэспублікай Інданезія, з другога боку;
- Пагадненне паміж Урадам Рэспублікі Беларусь і Урадам Султаната Аман аб міжнародных аўтамабільных перавозках грузаў.