Фото: tsikhanouskaya.org
Адкрылася рэгістрацыя на V Канферэнцыю беларусаў і беларусак свету. Яна адбудзецца ў Варшаве 1–2 мая, паведамляе Офіс Святланы Ціханоўскай.
Для ўдзелу трэба запоўніць форму рэгістрацыі. Свае прапановы і пажаданні па праграме можна пакінуць у асобнай анкеце.
Канферэнцыя беларусаў і беларусак свету — сустрэча прадстаўнікоў арганізацый, ініцыятыў і беларускай дыяспары з розных краін. Удзельнікі абмяркуюць пытанні дапамогі былым палітвязням і тым, хто застаецца за кратамі, падзеляцца досведам і паспяховымі практыкамі дыяспар, абмяркуюць выклікі і перспектывы беларускага грамадства.