Скриншот видео
Былога намесніка старшыні Гродзенскага райвыканкама прызналі вінаватым у атрыманні хабару. Ён атрымаў 7,5 года калоніі ўзмоцненага рэжыму, паведамляе тэлерадыёкампанія «Гродна».
Чыноўніка таксама аштрафавалі на 450 базавых велічынь (20 250 рублёў) і забаранілі займаць кіраўнічыя пасады на тэрмін 5 гадоў.
41-гадовы чыноўнік быў затрыманы з доказамі на месцы злачынства ў ліпені 2025 года. Як заяўляла пракуратура, атрымліваў хабары з снежня 2023 года па ліпень 2025 года за забеспячэнне ўдзелу і перамогі камерцыйных структур у працэдурах закупак, звязаных з будаўніцтвам, рамонтнымі работамі на тэрыторыі раёна. Таксама ўзнагароды перадаваліся за своечасовае авансаванне і разлік па выкананых работах.
Прысуд не ўступіў у законную сілу і можа быць абскарджаны.