Нацбанк ацаніў шкоду ад кібермахляроў у 54 млн рублёў за 2025 год

Шкода грамадзянам Беларусі і прадпрыемствам ад несанкцыянаваных плацежных аперацый склала больш за 54 млн рублёў у 2025 годзе. Пра гэта паведамілі ў прэс-службе Нацбанка.

Больш за 92% гэтай сумы было выкрадзена з выкарыстаннем метадаў сацыяльнай інжынерыі. Для вываду выкрадзенага выкарыстоўваліся:

• пераводы на адрас атрымальнікаў у замежных банках — 32,1% ад сумы выкрадзеных грашовых сродкаў,
• вывад грашовых сродкаў праз крыптавалюту і ігральныя ўстановы — 28,3%,
• абнаяўленне грашовых сродкаў па токенах і з выкарыстаннем тэхналогіі NFC — 21,5%,
• аплата тавараў і паслуг у арганізацыях гандлю і сервісу па ўсім свеце — 12,7%.

Пры гэтым з дапамогай антыфрод-сістэмы ўдалося прадухіліць выкраданне каля 5 млн рублёў.