МУС паведаміла пра затрыманні хабарнікаў у перапрацоўчай галіне

Рэдакцыя Reform.news · 9 красавіка 2026, 08:58

https://reform.news/be/mus-pavedamila-pra-zatrymanni-habarnika-u-perapraco-chaj-galine/

МУС адсправаздачылася пра чарговую антыкарупцыйную аперацыю.

Паводле інфармацыі прэс-службы міністэрства, за атрыманне хабару затрыманы 50-гадовы намеснік дырэктара па камерцыйных пытаннях “аднаго з горадаўтваральных прадпрыемстваў” Віцебска. Хабар перадаў 54-гадовы прадстаўнік камерцыйнай структуры. 20 тыс. рублёў перадаваліся за выбар пастаўшчыка сыравіны і своечасовую аплату па дамовах.

У ходзе далейшых мерапрыемстваў былі выяўлены факты перадачы хабару гэтай жа асобай траім работнікам перапрацоўчых прадпрыемстваў Мінска, Віцебскай і Брэсцкай абласцей на суму каля 30 тысяч рублёў.

Узбуджаны крымінальныя справы.