“Пастаўскі малочны завод” праводзіць дадатковую эмісію акцый. Інфармацыя пра яе з’явілася на Адзіным партале фінансавага рынку.
Аб’ём эмісіі складае 3,854 млн рублёў. Грошы патрэбныя прадпрыемству для папаўнення абаротных сродкаў з мэтай выдачы сельскагаспадарчым арганізацыям пазык на праектаванне, будаўніцтва і рэканструкцыю жывёлагадоўчых аб’ектаў. Дадатковы выпуск акцый быў зарэгістраваны 3 красавіка.
Трэба адзначыць, што ўстаўны фонд завода ў выніку эмісіі вырас у некалькі разоў.