Лукашэнка зрабіў прызначэнні ў сваёй адміністрацыі і двух раёнах

Аляксандр Лукашэнка падчас кадравага чацвярга зрабіў 17 прызначэнняў. У Беларусі з’явіліся паслы ў Лівіі і Афганістане, новага кіраўніка атрымаў медыяхолдынг, Мінпрыроды і два прамысловыя прадпрыемствы.

Лукашэнка таксама прызначыў Аляксандра Іваніцкага начальнікам Дэпартамента па ядзернай і радыяцыйнай бяспецы МНС.

Акрамя таго, былі ўзгоднены два прызначэнні ў мясцовай вертыкалі.

На пасаду старшыні Петрыкаўскага райвыканкама ўзгоднены Яўген Шкробат. Да гэтага часу ён працаваў на пасадзе першага намесніка старшыні — начальніка ўпраўлення сельскай гаспадаркі і харчавання Жыткавіцкага райвыканкама.

Ашмянскі райвыканкам узначаліць Андрэй Клышэўскі. Раней ён займаў пасаду намесніка старшыні Ашмянскага райвыканкама, курыруючы пытанні будаўніцтва і ЖКГ.

Яшчэ два прызначэнні былі зроблены ў адміністрацыі Лукашэнкі. Юрый Хамутоўскі стаў начальнікам упраўлення рэгіянальнай палітыкі, а Генадзь Акціловіч — начальнікам галоўнага ўпраўлення па працы са зваротамі грамадзян і юрыдычных асоб.

Таксама былі ўзгоднены наступныя прызначэнні:

• Алега Садоўскага — старшынёй Камітэта дзяржаўнага кантролю Гомельскай вобласці,
• Аляксея Іглікава — членам Гродзенскага аблвыканкама,
• Надзеі Юрашэвіч — намесніцай начальніка Арганізацыйна-аналітычнага дэпартамента Пастаяннага камітэта Саюзнай дзяржавы,
• Вольгі Васілеўскай — намесніцай начальніка Дэпартамента сацыяльнай палітыкі і інфармацыйнага забеспячэння Пастаяннага камітэта Саюзнай дзяржавы.