Фото: pixabay.com
Сіноптыкі абвясцілі жоўты ўзровень небяспекі праз спёку на 26 ліпеня. Заўтра ўдзень у асобных раёнах паўднёвага захаду Беларусі тэмпература паветра дасягне +30°C.
У нядзелю надвор’е ў Беларусі будзе вызначаць вобласць павышанага атмасфернага ціску. Чакаецца невялікая воблачнасць, ападкі не прагназуюцца. Уначы і раніцай месцамі магчымы слабы туман. Вецер уначы будзе слабы і няўстойлівы, удзень — паўднёвы, умераны.
Тэмпература паветра ўначы складзе ад +8 да +14°C, на захадзе — да +16°C. Удзень паветра прагрэецца да +24…+30°C.
Атмасферны ціск уначы істотна не зменіцца, удзень будзе слаба паніжацца.