Лукашэнка падпісаў указ аб вясновым прызыве
Рэдакцыя Reform.news · 23 лютага 2026, 18:52
https://reform.news/be/lukashjenka-padpisa-ukaz-ab-vjasnovym-pryzyve/23 лютага Аляксандр Лукашэнка падпісаў указ «Аб звальненні ў запас і прызыве на тэрміновую ваенную службу, службу ў рэзерве», паведамляе яго прэс-служба.
Указ прадугледжвае прызываць у сакавіку – маі 2026 года на тэрміновую ваенную службу, службу ў рэзерве грамадзян Беларусі мужчынскага полу, якім да дня прызыву споўнілася 18 гадоў і якія не маюць права на адтэрміноўку ад прызыву, а таксама грамадзян прызыўнога ўзросту, якія страцілі права на адтэрміноўку.
Гэтым жа ўказам прадугледжваецца звальненне ў запас ваеннаслужачых тэрміновай службы, якія выслужылі ўстаноўленыя тэрміны ваеннай службы.