Чыгуначны тэрмінал адкрылі ў “Вялікім камені”

Рэдакцыя Reform.news · 6 лістапада 2026, 10:58

https://reform.news/be/chygunachny-tjerminal-adkryli-vjalikim-kameni/

У індустрыяльным парку “Вялікі камень” адкрыўся мультымадальны чыгуначны тэрмінал Greatport.

Тэрмінал можа прымаць і адпраўляць кантэйнерныя цягнікі. Яго магутнасць складае 180 тыс. кантэйнераў у 20-футавым эквіваленце. У перспектыве яе можна нарасціць да 500 тыс.

Плошча тэрмінала складае 41 га. На яго тэрыторыі пракладзены чатыры чыгуначныя пуці даўжынёй 1050 метраў кожны, пабудавана дапаможная інфраструктура, узводзяцца складскія комплексы.

Праект тэрмінала з беларускага боку рэалізуюць “Белмытсэрвіс” і “Белінтэртранс”, з кітайскага – China Merchants Group і Sinotrans. Таксама ў складзе акцыянераў ёсць швейцарская кампанія.

У дзень адкрыцця з тэрмінала адпраўляюць два цягнікі “Каласок” і “Васілёк”. Яны даставяць у кітайскі Сіань груз — цэлюлозу, лён і малочную прадукцыю. Як паведамілі ў адміністрацыі парку, з Кітая сёння адправіліся тры цягнікі, якія павінны прыбыць на тэрмінал. Яны вязуць абсталяванне, аўтакампаненты і тавары для рэзідэнта парку.