Жыхар Светлагорска знайшоў на ўчастку чалавечыя косці і боепрыпасы

Рэдакцыя Reform.news · 6 лістапада 2026, 10:59

https://reform.news/be/zhyhar-svetlagorska-znajsho-na-chastku-chalavechyja-kosci-i-boeprypasy/

У Светлагорску на прыватным участку выявілі парэшткі як мінімум чатырох чалавек і боепрыпасы часоў Вялікай Айчыннай вайны. Знаходку зрабіў у канцы жніўня мясцовы жыхар падчас земляных работ па пракладцы камунікацый да пабудаванага дома, паведамілі ў Дзяржаўным камітэце судовых экспертыз.

Пры аглядзе месца здарэння з зямлі дасталі больш за 200 фрагментаў чалавечых касцей, а таксама фрагменты скураных вырабаў, металічныя лыжкі, кацялкі, пісталет-кулямёт ППШ, амаль сотню патронаў і некалькі гранат. Апошнія абясшкодзіла сапёрная група, якая прыбыла з Бабруйска.

Судова-медыцынская экспертыза ўстанавіла, што касцяныя парэшткі маглі належаць не менш чым чатыром людзям. Па стане касцей эксперт вызначыў, што яны знаходзіліся ў зямлі 80 і больш гадоў.

Падчас Вялікай Айчыннай вайны на месцы цяперашняй вуліцы знаходзілася сельская мясцовасць і наваколле вёскі Светач, якая да 1964 года мела назву Какаль. Нямецкія войскі акупавалі рэгіён у жніўні 1941 года, а зімой 1943-1944 гадоў гэтая тэрыторыя стала прыфрантавой. Тут праходзілі аблавы і карныя аперацыі.

Прыкладна за 20 кіламетраў ад месца знаходкі знаходзіцца вёска Ола, дзе падчас адной з самых жорсткіх карных аперацый адначасова загінулі 1758 чалавек, у тым ліку 950 дзяцей.

Паводле інфармацыі Светлагорскага РАСК, знойдзеныя на прыватным участку касцяныя парэшткі перапахаваныя ў брацкай магіле ў Светлагорску.