Фото: Reform.by
У Беларусі зменены крыніцы фінансавання банкамі расходаў на набыццё і мадэрнізацыю асноўных сродкаў. Гэта прадугледжана ўказам аб рэгуляванні дзейнасці банкаў, які сёння падпісаў Аляксандр Лукашэнка.
У склад крыніц фінансавання расходаў на набыццё асноўных сродкаў уключаюцца фонды, якія фарміруюцца за кошт прыбытку, што застаецца ў распараджэнні банкаў пасля выплаты падаткаў, збораў (пошлін), а таксама іншых абавязковых плацяжоў у рэспубліканскі і мясцовы бюджэты. Замежныя крэдыты выключаюцца са складу крыніц набыцця (мадэрнізацыі) асноўных сродкаў.
Дакумент таксама ўстанаўлівае, што стварэнне і выкарыстанне банкамі фондаў, якія фарміруюцца за кошт прыбытку, ажыццяўляецца ў парадку, вызначаным Нацыянальным банкам, паведамляе прэс-служба Лукашэнкі.