Фото: Reform.by
Беларускія сілавікі спрабуюць сабраць інфармацыю пра канферэнцыю «Новая Беларусь», якая пройдзе ў Варшаве 7–9 жніўня, паведамляе праваабарончы цэнтр «Вясна».
Беларусам пішуць невядомыя акаўнты ў месенджарах і цікавяцца, ці плануе чалавек удзельнічаць у канферэнцыі і як да яе рыхтуецца. Адзін з тых, хто напісаў, прадставіўся «Сяргеем з Мінска».
Праваабаронцы прыводзяць ID акаўнтаў, якія пішуць: 7215425509, 5239146665, 7704668859, 7106779624.
Раней беларускія спецслужбы спрабавалі завербаваць дэлегатаў Каардынацыйнай рады.