Фото: КГК
Камітэт дзяржаўнага кантролю выявіў, што 14 аўтамабіляў, закупленых для райвыканкамаў Гомельскай вобласці, на працягу больш чым двух гадоў не выкарыстоўваліся.
Машыны для выканкамаў былі набыты, аднак з кастрычніка 2023 года камітэты сталі абслугоўвацца ў спецыялізаванай дзяржаўнай транспартнай арганізацыі, якая мае ўласны аўтапарк. У выніку карыстацца набытымі аўтамабілямі выканкамы не мелі права.
“Па прапанове КДК мясцовымі органамі ўлады вызначаны камунальныя і сельскагаспадарчыя прадпрыемствы, якім названыя аўтамабілі ў снежні 2025 года перададзены для эксплуатацыі”, – расказалі ў КДК.
Адзначаецца, што сярод 14 аўтамабіляў былі чатыры Geely Emgrand 2020 года выпуску, на набыццё якіх з бюджэту затрачана больш за 120 тыс. рублёў.