Фото: t.me/Belorusneft_official
Квота на бяспошлінны ўвоз электрамабіляў юрыдычнымі асобамі вычарпаная. Пра гэта паведамілі ў Дзяржаўным мытным камітэце.
Надалей юрыдычныя асобы павінны будуць плаціць мыта ў памеры 15% ад кошту транспартнага сродку.
Квота для фізічных асоб пакуль складае яшчэ 1708 аўтамабіляў.
Нагадаем, раней ЕЭК устанавіла для Беларусі квоту на бяспошлінны ўвоз электрамабіляў у памеры 20 тыс. адзінак.
У маі гэтага года ўрад Беларусі размеркаваў яе паміж фізічнымі і юрыдычнымі асобамі. Юрыдычныя асобы атрымалі права сёлета ўвезці ў рамках квоты 13,8 тыс. электрамабіляў, а фізічныя асобы — 6,2 тыс. На момант прыняцця рашэння ўрада рэшта квоты для юрыдычных асоб складала 8091 адзінку, а для грамадзян — 3673 адзінкі.