Instagram Кавалеўскага і акаўнты народных пасольстваў трапілі ў спіс экстрэмісцкіх матэрыялаў

Міністэрства інфармацыі ў чарговы раз абнавіла рэспубліканскі спіс экстрэмісцкіх матэрыялаў.

У яго трапіў Instagram Валерыя Кавалеўскага. Рашэнне аб прызнанні яго інфармацыйнай прадукцыі экстрэмісцкай прыняў суд Савецкага раёна Мінска 9 студзеня. Паводле рашэння суда Ушацкага раёна ў спіс уключаныя акаўнты ў Х народных пасольстваў у Бразіліі і Літве.

Таксама ў яго трапілі:

• супольнасць у Facebook “Беларусы Любіна, Легніцы і бліжэйшых ваколіц”;
• акаўнты ў Instagram “jak_toi_rerzha Vital Nazarevic Artist (Выцiнанка Papercut)”, “vitaliovitalini”,
• старонка “Вконтакте” “Vital Nazarevic/ Выцiнанка Papercut)”

Нагадаем, беларускія ўлады выкарыстоўваюць абвінавачанні ў экстрэмізме для пераследу палітычных апанентаў і іншадумства ў цэлым.