Генштаб УСУ заявіў пра паражэнне двух расійскіх танкераў у Чорным моры

Рэдакцыя Reform.news · 19 ліпеня 2026, 10:59

https://reform.news/be/genshtab-usu-zajavi-pra-parazhjenne-dvuh-rasijskih-tankera-u-chornym-mory/

Генеральны штаб Узброеных сіл Украіны паведаміў, што ў ноч на 19 ліпеня ўкраінскія падраздзяленні нанеслі ўдары па шэрагу вайсковых і вайскова-эканамічных аб’ектаў Расіі і на акупаваных тэрыторыях.

Былі паражаныя два танкеры ў акваторыі Чорнага мора і плывучы кран у Азоўскім моры.

«Танкеры выкарыстоўваюцца для транспартавання расійскай нафты, нафтапрадуктаў і паліва ў інтарэсах Узброеных сіл Расійскай Федэрацыі. Плывучыя краны забяспечваюць выкананне партовых работ, пагрузку і разгрузку грузаў, а таксама падтрымліваюць функцыянаванне марской лагістыкі арміі РФ», — заявілі вайскоўцы.

Акрамя таго, паведамляецца пра паражэнне зенітнага ракетнага комплексу «Бук» у раёне Зеленаполля Запарожскай вобласці.

Таксама ўдар быў нанесены па аўтамабільным мосце ў раёне Наваэканамічнага Данецкай вобласці, які выкарыстоўваецца для вайсковай лагістыкі, заявілі ў Генштабе.