Генасамблея ААН прыняла рэзалюцыю аб міры ва Украіне. Беларусь галасавала супраць

Рэдакцыя Reform.news · 24 лютага 2026, 22:06

https://reform.news/be/genasambleja-aan-prynjala-rjezaljucyju-ab-miry-va-ukraine-belarus-galasavala-suprac/

24 лютага Генеральная асамблея ААН прыняла ініцыяваную Украінай рэзалюцыю «Падтрымка трывалага міру ва Украіне». Рэзалюцыю падтрымалі 107 краін. 51 краіна ўстрымалася, 12 прагаласавалі супраць.

Беларусь была ў ліку краін, якія галасавалі супраць рэзалюцыі. Супраць рэзалюцыі таксама выступілі Расія, Бурундзі, Буркіна-Фасо, Куба, КНДР, Эрытрэя, Іран, Нікарагуа, Нігер, Малі, Судан. ЗША ўстрымаліся.

Рэзалюцыя заклікае да неадкладнага спынення агню і пацвярджае неабходнасць захавання суверэнітэту і тэрытарыяльнай цэласнасці Украіны ў межах яе міжнародна прызнаных межаў.