Цягнік Адлер — Мінск спозніцца і праедзе праз Оршу

Рэдакцыя Reform.news · 29 верасня 2026, 14:54

https://reform.news/be/cjagnik-adler-minsk-spoznicca-i-praedze-praz-orshu/

БЧ папярэдзіла пра яшчэ адно парушэнне графіка руху цягнікоў з Расіі.

Цягнік №301 Адлер — Мінск павінен быў прыбыць сёння ў беларускую сталіцу ў 17:10. Паводле інфармацыі БЧ, ён прыбудзе ў Мінск у 18:20 і праедзе праз Оршу.

«Для дастаўкі пасажыраў, якія едуць у складзе цягніка №301 Адлер — Мінск ад станцый Расійскай Федэрацыі да станцый участка Гомель — Мінск, дадаткова прызначаны цягнік №692 Мінск — Гомель. Цягнік адправіцца са станцыі Мінск-Пасажырскі 29 верасня ў 19:25 і прыбудзе ў Гомель у 23:55», — паведамілі ў БЧ.

Учора ўжо быў зменены маршрут руху цягніка Анапа — Мінск.