Скриншот видео
Мэр расійскай сталіцы Сяргей Сабянін заявіў, што сёння ўначы на Маскву ляцелі больш за 400 беспілотнікаў. Паводле яго слоў, большая частка была нейтралізаваная на далёкіх подступах, а 85 дронаў — на падлёце да Масквы.
Таксама ён заявіў, што ў бальніцу Дамадзедава дастаўленыя шэсць пацярпелых з мінна-выбуховымі траўмамі рознай ступені цяжкасці.
Тым часам у інтэрнэце з’явіліся кадры пажараў пад Масквой. Паведамляецца пра паражэнне складоў Wildberries у індустрыяльным комплексе «Паўднёвыя вароты» ў Дамадзедаве, а таксама пад Падольскам. Гарыць нафтабаза ў пасёлку Львоўскі.
У пракуратуры Маскоўскай вобласці пацвердзілі пашкоджанне камерцыйных аб’ектаў, не назваўшы іх дакладна.
«Сёння ўначы некалькі гарадскіх акруг у Падмаскоўі падвергліся атацы беспілотных лятальных апаратаў. Ёсць пацярпелыя, іх колькасць удакладняецца. Акрамя таго, пашкоджаныя шматкватэрныя жылыя дамы і камерцыйныя аб’екты», — гаворыцца ў паведамленні.