“Белавія” запускае код-шэрынг з расійскай Red Wings

Рэдакцыя Reform.news · 2 верасня 2026, 11:06

https://reform.news/be/belavija-zapuskae-kod-shjeryng-z-rasijskaj-red-wings/

“Белавія” пашырае супрацоўніцтва з расійскай кампаніяй Red Wings у рамках код-шэрынгавага пагаднення.

Як адзначылі ў кампаніі, цяпер пасажыры могуць набыць білеты на прамыя рэйсы з Мінска ў Самару, Чэлябінск, Перм і назад. Гэтымі рэйсамі аперуе Red Wings.

Акрамя таго, пагадненне адкрывае і новыя магчымасці для палётаў з Мінска з перасадкай у Екацярынбургу. Можна трапіць у Алматы, Барнаул, Самару, Томск, Уфу, Сургут і Арэнбург.

“Сегмент білета Мінск-Екацярынбург выконваецца Belavia, а далей – Red Wings”, – патлумачылі ў кампаніі.