«Белавія» выканала першы рэйс у Тайланд
Рэдакцыя Reform.news · 9 студзеня 2026, 12:18
https://reform.news/be/belavija-vykanala-pershy-rjejs-u-tajland/«Белавія» сёння выканала першы рэйс у Тайланд.
“Сёння наш A330-200 паспяхова прызямліўся ў аэрапорце Патаі”, — гаворыцца ў паведамленні кампаніі.
Самалёт ужо паспеў адправіцца ў зваротны шлях. У Мінску яго чакаюць у 20:40, паводле даных электроннага табло сталічнага аэрапорта.
11 студзеня «Белавія» запусціць другі чартарны рэйс у Тайланд. Беларускія турысты змогуць трапіць у Пхукет.
Перыядычнасць чартарных рэйсаў складае 10/11 дзён. Прыблізны час у шляху складзе 10 гадзін, назад — каля 11 гадзін.