Беларускія мытнікі канфіскавалі авіямадэлі ў казахстанскага перавозчыка

Рэдакцыя Reform.news · 1 верасня 2026, 11:41

https://reform.news/be/belaruskija-mytniki-kanfiskavali-avijamadjeli-kazahstanskaga-peravozchyka/

Беларускія мытнікі канфіскавалі авіямадэлі ў казахстанскага перавозчыка. Ён вёз іх з Кітая. Пра гэта паведамілі ў ДМК.

Грузавік спынілі супрацоўнікі аператыўнай мытні. У ім былі выяўленыя 72 адзінкі авіямадэляў у выглядзе цацак, забароненых да ўвозу ў Беларусь.

“Заяўленыя ў суправаджальных дакументах як проста цацкі, яны па сваіх знешніх і канструктыўных прыкметах аказаліся вельмі падобнымі да авіямадэляў. Заключэнне экспертызы гэта пацвердзіла”, – патлумачылі ў ДМК.

Нагадаем, у Беларусі дзейнічаюць забароны і абмежаванні на абарот беспілотнікаў і авіямадэляў.