Беларускія лясгасы прадалі насельніцтву 6,2 тоны пелет за дзевяць месяцаў

Рэдакцыя Reform.news · 29 кастрычніка 2026, 11:31

https://reform.news/be/belaruskija-ljasgasy-pradali-naselnictvu-6-2-tony-pelet-za-dzevjac-mesjaca/

Міністэрства лясной гаспадаркі адчыталася аб шматразовым росце продажаў паліўных пелет жыхарам Беларусі. Яны павялічыліся ў 3,5 раза.

“За 9 месяцаў гэтага года лясгасы ўжо рэалізавалі насельніцтву 6,2 тоны пелет. Для параўнання за аналагічны перыяд мінулага года аб’ёмы рэалізацыі былі куды больш сціплымі – усяго 1,8 тоны”, – гаворыцца ў паведамленні прэс-службы міністэрства.

Усяго ж на ўнутраным рынку лясгасы ў студзені-верасні прадалі больш за 70 тон пелет.

У сістэме Мінлясгаса вытворчасцю гэтага віду паліва займаюцца каля двух дзясяткаў гаспадарак. Пелеты прадаюцца як па спецыяльных цэнах для насельніцтва, так і па рыначных.

Нагадаем, паводле даных Дзяржстандарту, летась у Беларусі было прададзена 61,6 тыс. т паліўных пелет, у тым ліку насельніцтву – 4,56 тыс. т.

У папярэднія гады ў Беларусі былі пабудаваныя 64 заводы па вытворчасці паліўных пелет агульнай магутнасцю 900 тыс. т. У асноўным яны будаваліся ў разліку на экспарт у краіны ЕС. Аднак з 2022 года прадукцыя дрэваапрацоўкі апынулася пад санкцыямі Еўрасаюза, якія былі ўведзеныя ў адказ на ўдзел беларускіх уладаў у агрэсіі Расіі супраць Украіны.