Беларускія беспілотнікі і сродкі РЭБ нясуць баявое дзяжурства ў Эфіопіі
Рэдакцыя Reform.news · 24 студзеня 2026, 12:59
https://reform.news/be/belaruskija-bespilotniki-i-srodki-rjeb-njasuc-bajavoe-dzjazhurstva-jefiopii/Беларускія беспілотныя авіяцыйныя комплексы і сродкі радыёэлектроннай барацьбы, якія прайшлі выпрабаванні ў Эфіопіі, ужо нясуць баявое дзяжурства ў рэгіёне, паведамілі ў Дзяржаўным ваенна-прамысловым камітэце Беларусі.
Паводле даных ведамства, беларускую экспазіцыю на выставе Aviation Expo 2026, якая адкрылася 23 студзеня, наведаў прэм’ер-міністр Эфіопіі Абій Ахмед Алі. Старшыня Дзяржкамваенпрама Дзмітрый Пантус асабіста прадэманстраваў кіраўніку эфіопскага ўрада беспілотныя авіяцыйныя комплексы і сродкі радыёэлектроннай барацьбы.
«Варта адзначыць, што дадзеныя віды ВВСТ, якія прайшлі выпрабаванні на тэрыторыі Эфіопіі, паспяхова сябе зарэкамендавалі і ўжо нясуць баявое дзяжурства з мэтай захавання бяспекі ў рэгіёне», — гаворыцца ў прэс-рэлізе.
У бліжэйшы час плануецца стварэнне сумесных зборачных вытворчасцей прадстаўленых на выставе ўзораў ваеннай тэхнікі.
Нагадаем, днямі Пантус сустрэўся з міністрам абароны Эфіопіі Айшой Мохаммед і з начальнікам генеральнага штаба краіны фельдмаршалам Бірхану Джула Гелалча.
