Беларусь вярнула экспартныя пошліны на звадкаваныя вуглевадародныя газы

Савет міністраў прыняў пастанову аб павелічэнні экспартных пошлін на звадкаваныя вуглевадародныя газы. Дакумент уступіць у сілу пасля апублікавання і будзе распаўсюджваць сваё дзеянне на адносіны, якія ўзніклі з 1 красавіка, паведамілі ў прэс-службе ўрада.

Пошліны складуць:

• на звадкаваныя вуглевадародныя газы – 5,2 долара за тону,
• на этан, бутан і ізабутан – 4,6 долара за тону.

Нагадаем, пошліны на гэтыя газы былі абнулены з 1 чэрвеня 2025 года. Да гэтага іх таксама абнулялі з 1 лютага 2024 года, але затым яны былі вернуты і дзейнічалі з верасня 2024 года па май 2025 года.