Беларусь і Кыргызстан падпісалі 12 пагадненняў і мемарандумаў

Беларусь і Кыргызстан заключылі пагадненне аб узаемным прызнанні і абмене нацыянальных вадзіцельскіх пасведчанняў. Яго ў Бішкеку падпісалі прэм’ер-міністры Аляксандр Турчын і Адылбек Касымаліеў.

Як паведамілі ў прэс-службе беларускага ўрада, падчас візіту Турчына былі падпісаны яшчэ адзінаццаць дакументаў:

1. Пагадненне паміж Міністэрствам працы і сацыяльнай абароны Рэспублікі Беларусь і Міністэрствам працы, сацыяльнага забеспячэння і міграцыі Кыргызскай Рэспублікі аб супрацоўніцтве ў сацыяльна-працоўнай сферы;
2. Мемарандум аб узаемаразуменні паміж Міністэрствам сельскай гаспадаркі і харчавання Рэспублікі Беларусь і Міністэрствам водных рэсурсаў, сельскай гаспадаркі і перапрацоўчай прамысловасці Кыргызскай Рэспублікі аб супрацоўніцтве ў сферы насенняводства;
3. Пратакол пасяджэння Сумеснай Беларуска-Кыргызскай падкамісіі па супрацоўніцтве ў сферы сельскай гаспадаркі і харчавання;
4. Пагадненне паміж Навукова-вытворчым рэспубліканскім унітарным прадпрыемствам «Беларускі дзяржаўны інстытут стандартызацыі і сертыфікацыі» (БелДІСС) і Цэнтрам па стандартызацыі і метралогіі пры Міністэрстве эканомікі і камерцыі Кыргызскай Рэспублікі (Кыргызстандарт) аб супрацоўніцтве ў галіне стандартызацыі, ацэнкі адпаведнасці і інфармацыйнага абмену;
5. Мемарандум аб намерах і ўзаемавыгадным супрацоўніцтве ў сферы паштовых паслуг і электроннай камерцыі паміж рэспубліканскім унітарным прадпрыемствам «Белпошта» і ААТ «Кыргыз почтасы» аб узаемавыгадным супрацоўніцтве;
6. Пагадненне паміж Віцебскім абласным выканаўчым камітэтам Рэспублікі Беларусь і Апаратам паўнамоцнага прадстаўніка Прэзідэнта Кыргызскай Рэспублікі ў Ісык-Кульскай вобласці Кыргызскай Рэспублікі аб супрацоўніцтве ў гандлёва-эканамічнай, навукова-тэхнічнай, культурнай і гуманітарнай сферах;
7. Пагадненне аб супрацоўніцтве паміж установай «Беларускі дзяржаўны музей гісторыі Вялікай Айчыннай вайны» і Мемарыяльным Домам-музеем М.В. Фрунзэ;
8. Пагадненне аб супрацоўніцтве паміж установай «Нацыянальны мастацкі музей Рэспублікі Беларусь» і ўстановай «Кыргызскі нацыянальны музей выяўленчага мастацтва імя Г. Айціева»;
9. Мемарандум аб супрацоўніцтве паміж установай «Беларуская дзяржаўная ордэна Працоўнага Чырвонага Сцяга філармонія» і Кыргызскай нацыянальнай філармоніяй імя Т. Сатылганава;
10. Мемарандум аб узаемаразуменні паміж установай адукацыі «Брэсцкі дзяржаўны ўніверсітэт імя А.С. Пушкіна» і Кыргызскім нацыянальным універсітэтам імя Жусупа Баласагына;
11. Пагадненне аб стварэнні Дзелавога савета.