Беларусь і ААН падпісалі пяцігадовую праграму ў галіне ўстойлівага развіцця

Беларусь і ААН падпісалі Рамачную праграму супрацоўніцтва ў галіне ўстойлівага развіцця на 2026–2030 гады. Подпісы пад дакументам паставілі міністр замежных спраў Максім Рыжанкоў і каардынатар ААН у нашай краіне Расул Багіраў.

Рамачная праграма сінхранізаваная з Нацыянальнай стратэгіяй устойлівага развіцця Беларусі на перыяд да 2040 года і дзяржаўнай праграмай сацыяльна-эканамічнага развіцця на 2026–2030 гады. У ёй вызначаны чатыры прыярытэты:

• чалавечае развіццё і дабрабыт для ўсіх;
• інклюзіўная і ўстойлівая эканамічная трансфармацыя;
• чыстае навакольнае асяроддзе для забеспячэння жыццядзейнасці людзей;
• інстытуцыянальныя асновы для міру і развіцця.