Фото: nadbuzanski.strazgraniczna.pl
Грамадзяніна Беларусі ў Польшчы прыгаварылі да 1 года і 2 месяцаў пазбаўлення волі па справе аб кантрабандзе цыгарэт. Прысуд вынес раённы суд у Бяла-Падлясцы, паведамляе Надбужанскі аддзел памежнай службы Польшчы.
Беларус працаваў кіроўцам. Пры перасячэнні беларуска-польскай мяжы ў яго грузавіку знайшлі цыгарэты на 4 млн злотых (больш за 1 млн долараў), якія былі схаваныя ў мяшках з пелетамі. Кіроўца не прызнаў віну ў спробе кантрабанды.
Суд прыгаварыў беларуса да 1 года і 2 месяцаў пазбаўлення волі і штрафу ў 160 тысяч злотых (44 тысячы долараў). Грузавік канфіскаваны як сродак здзяйснення злачынства. Прысуд уступіў у законную сілу.