Фото: facebook.com/belarusembassyinvietnam
Беларусь адправіла В’етнаму 27 тон гуманітарнай дапамогі. Яна прызначана для людзей, якія пацярпелі ад паводак у лістападзе 2025 года, паведамляе пасольства Беларусі ў В’етнаме.
Груз прыбыў у порт Дананга 11 чэрвеня. Яго прыняў Дэпартамент па кіраванні дамбамі і прадухіленні стыхійных бедстваў Міністэрства сельскай гаспадаркі і навакольнага асяроддзя В’етнама.
Дарадца-пасланнік беларускага пасольства Алег Шлома выказаў надзею, што дастаўка гуманітарнай дапамогі ўнясе ўклад ва ўмацаванне стратэгічнага партнёрства паміж краінамі і будзе садзейнічаць развіццю міжрэгіянальных сувязяў і кантактаў паміж людзьмі.