Фото: СК
У аграгарадку Парахонск Пінскага раёна 28-гадовы мужчына загінуў ад выбуху снарада, паведамляе Следчы камітэт.
Днём 26 ліпеня суседзі загінулага чулі з яго двара гукі ўдараў металу аб метал. Пасля выбуху яны выявілі мужчыну без прыкмет жыцця ў двары дома. На яго целе меліся цялесныя пашкоджанні, характэрныя для мінна-выбуховай траўмы.
Следча-аператыўная група знайшла аскепкі снарада, які спрацаваў, гільзы і кампаненты мін, якія не разарваліся.
Устаноўлена, што мужчына захапляўся пошукам артэфактаў часоў Вялікай Айчыннай вайны і асабліва цікавіўся выбухованебяспечнымі прадметамі. Усе знаходкі ён прыносіў дадому.