Баварская дэлегацыя наведала ПВТ

Рэдакцыя Reform.news · 1 чэрвеня 2026, 09:41

https://reform.news/be/bavarskaja-djelegacyja-navedala-pvt/

Парк высокіх тэхналогій наведала дэлегацыя з Германіі. Як паведамілі ў сакратарыяце ПВТ, у яе ўваходзілі прадстаўнікі «дзелавых колаў Баварыі».

Гасцям расказалі пра гісторыю развіцця беларускай IT-галіны, асаблівасці прававога рэжыму ПВТ, асноўныя напрамкі дзейнасці кампаній-рэзідэнтаў.

Таксама дэлегацыі былі прадстаўлены «найбольш вядомыя лічбавыя рашэнні, распрацаваныя ў Беларусі і якія атрымалі міжнароднае прызнанне».

«Асобная ўвага была нададзена ўмовам вядзення дзейнасці ў ПВТ, механізмам уступлення ў Парк і дзеючым падыходам да падаткаабкладання тэхналагічных кампаній», — дадалі ў ПВТ.