Аплату банкаўскімі картамі ў наземным транспарце Мінска пачнуць укараняць з 1 верасня

Рэдакцыя Reform.news · 1 мая 2026, 11:54

https://reform.news/be/aplatu-banka-skimi-kartami-nazemnym-transparce-minska-pachnuc-ukaranjac-z-1-verasnja/

Аплату банкаўскімі картамі ў наземным транспарце Мінска пачнуць укараняць з 1 верасня. Ужо вядуцца закупкі новых валідатараў і пачаўся мантаж прылад у транспартных сродках.

“На дадзены момант цяпер можна сказаць з упэўненасцю, што працэдура закупкі адбываецца. Дзяржаўнае прадпрыемства. “Мінсктранс” гэтым працэсам займаецца, і па меры набыцця абсталявання, закупкі яго, будзе мантаж. Так, гэта, хутчэй за ўсё, будзе не аднамомантна, але паэтапна”, – сказаў у эфіры “Радыё Мінск” дырэктар прадпрыемства «Сталічны транспарт і сувязь» Юрый Супрановіч.

Паводле яго слоў, аплаціць банкаўскімі картамі праезд у наземным грамадскім транспарце можна будзе з 1 верасня. Яна будзе ўкараняцца паэтапна. Пакуль такая магчымасць ёсць толькі на двух тэставых маршрутах.