Алкаголь не будуць прадаваць у Баранавічах двое сутак

Баранавіцкі гарвыканкам рашэннем №705 ад 24 сакавіка вызначыў перыяды, калі ў горадзе не будзе прадавацца алкаголь. Як звычайна, гэта даты апошніх званкоў і выпускных вечарын у школах.

Згодна з рашэннем, апублікаваным на Нацыянальным прававым інтэрнэт-партале, алкаголь не будзе прадавацца ў Баранавічах:

• з 8 раніцы 23 мая да 8 раніцы 24 мая,
• з 8 раніцы 12 чэрвеня да 8 раніцы 13 чэрвеня.

Выключэнне з забароны зроблена для продажу алкаголю ў грамадскім харчаванні ў разліў.