Фото: ОСВОД
Школьніца ледзь не патанула ў сажалцы ў Клецкім раёне, а бацькі думалі, што яна забаўляецца.
16 жніўня бацькі з дачкой, вучаніцай 4-га класа, адпачывалі на сажалцы ў аграгарадку Морач. Дзяўчынка заплыла за буйкі на 15 метраў ад берага і не магла самастойна вярнуцца. Глыбіня ў тым месцы складае каля 1,7 метра. Каб прыцягнуць увагу, дзяўчынка пачала біць рукамі па вадзе. Бацькі ў гэты час знаходзіліся на беразе і думалі, што дачка гуляе, паведамляе АСВОД.
Супрацоўнікі АСВОД выратавалі дзяўчынку і даставілі яе на бераг. Медыцынская дапамога не спатрэбілася.