"Гродно Азот". Фото: belchemoil.by
Цэх «Аміяк-4» на прадпрыемстве «Гродна Азот» часткова спыніў працу для выканання наладкавых работ.
«У цэху аміяк-4 узнікла вытворчая неабходнасць выканання наладкавых работ, у выніку чаго цэх часткова спынены. У працэсе выканання тэхналагічных аперацый на працягу сутак будзе адбывацца кароткачасовае спальванне гаручых рэчываў на факельнай устаноўцы», — паведамляе прэс-служба прадпрыемства.
«Гродна Азот» падкрэслівае, што ўсе аперацыі праходзяць у штатным рэжыме, пагрозы жыхарам і экалогіі няма.