Банк пазбавіўся паўмільёна рублёў з-за махляроў

Рэдакцыя Reform.news · 15 кастрычніка 2026, 10:50

https://reform.news/be/bank-pazbavi-sja-pa-miljona-rubljo-z-za-mahljaro/

МУС паведаміла аб раскрыцці крэдытнай аферы на 500 тыс. рублёў. Затрыманыя два чалавекі.

Паводле версіі міліцыі, 38-гадовы дырэктар прыватнай арганізацыі і 37-гадовая галоўная бухгалтарка выкарыстоўвалі дакументы і рэквізіты больш як 30 падстаўных фірм. Далей яны афармлялі на іх у банку крэдыты на дзесяць тысяч рублёў, не збіраючыся выконваць абавязацельствы.

“Атрыманыя сродкі саўдзельнікі абнаяўлівалі і трацілі на “прыгожае жыццё”. Агульная шкода, нанесеная фінансавай установе за год іх злачыннай дзейнасці, перавысіла 500 тысяч рублёў”, – гаворыцца ў паведамленні МУС.

Распачатая крымінальная справа па артыкуле за махлярства.