Камандуючы сухапутнымі войскамі Амана абмеркаваў супрацоўніцтва з Дзяржкамваенпрамам

Рэдакцыя Reform.news · 15 кастрычніка 2026, 08:03

https://reform.news/be/kamandujuchy-suhaputnymi-vojskami-amana-abmerkava-supraco-nictva-z-dzjarzhkamvaenpramam/

У Беларусі з візітам знаходзіцца камандуючы сухапутнымі войскамі Амана генерал-маёр Матар бен Салем аль Балушы. У сераду яго прымалі ў Дзяржкамваенпраме.

Паведамляецца, што гэта першы візіт настолькі высокапастаўленага вайскоўца арабскай краіны ў Беларусь. Перагаворы былі прысвечаныя будучаму супрацоўніцтву.

“Падчас перагавораў бакі абмеркавалі задзел на будучае супрацоўніцтва, акрэслілі ўзаемныя пункты судакранання і перспектыўныя напрамкі ўзаемадзеяння.

Удзельнікі сустрэчы пацвердзілі зацікаўленасць у развіцці канструктыўнага дыялогу і фарміраванні асновы для доўгатэрміновых партнёрскіх адносін”, – паведамілі ў Дзяржкамваенпраме.