У Варшаве знік грамадзянін Беларусі Руслан Кузьмін

Рэдакцыя Reform.news · 11 верасня 2026, 16:17

https://reform.news/be/u-varshave-znik-gramadzjanin-belarusi-ruslan-kuzmin/

39-гадовы грамадзянін Беларусі Руслан Кузьмін з Рэчыцы знік у Варшаве. 6 верасня мужчына перастаў выходзіць на сувязь, з таго часу яго месцазнаходжанне невядомае.

Прыкметы: рост – каля 180 см, целасклад хударлявы, цёмныя валасы, шэрыя вочы, на ўнутраным баку правай рукі ёсць татуіроўка ў выглядзе кінжала.

Усіх, хто мае інфармацыю пра месцазнаходжанне мужчыны або бачыў яго ў Варшаве і ваколіцах, просяць паведаміць па тэлефоне пошукава-выратавальнага атрада «Сімуран» +375 29 232 11 11 або па нумары 102.