Ціханоўская пра «памілаванне»: Разам з радасцю адчуваю вялізны боль за ўсіх, хто застаецца за кратамі

Рэдакцыя Reform.news · 5 сакавіка 2026, 16:30

https://reform.news/be/cihano-skaja-pra-pamilavanne-razam-z-radascju-adchuvaju-vjalizny-bol-za-sih-hto-zastaecca-za-kratami/

Святлана Ціханоўская пракаментавала рашэнне Аляксандра Лукашэнкі “памілаваць” 15 чалавек, асуджаных па «экстрэмісцкіх» артыкулах.

«Радасць за кожнага, хто зусім хутка будзе дома побач з сям’ёй. Але разам з радасцю адчуваю вялізны боль за ўсіх, хто застаецца за кратамі», — напісала яна.

Нагадаем, Лукашэнка сёння падпісаў указ аб памілаванні 18 чалавек, з якіх 15 асуджаны па «экстрэмісцкіх» артыкулах. Большасць памілаваных — жанчыны, у шасці з іх ёсць дзеці з інваліднасцю. Сярод памілаваных таксама дзве шлюбныя пары, цяжарная жанчына і асуджаная, якая здзейсніла злачынства ў 16-гадовым узросце.