Больш за 20 чалавек загінулі ў выніку сутыкнення хуткасных цягнікоў на поўдні Іспаніі

Рэдакцыя Reform.news · 19 студзеня 2026, 07:49

https://reform.news/be/bolsh-za-20-chalavek-zaginuli-vyniku-sutyknennja-hutkasnyh-cjagniko-na-po-dni-ispanii/

У нядзелю ўвечары на поўдні Іспаніі ў мясцовасці Адамуз сутыкнуліся два хуткасныя цягнікі.

Паводле інфармацыі іспанскіх экстраных службаў, цягнік кампаніі Iryo, які рухаўся з Малагі ў Мадрыд, сышоў з рэек і ўпаў на пуці, па якіх у сустрэчным кірунку рухаўся цягнік кампаніі Alvia з хуткасцю 200 км/г. Пасля сутыкнення частка яго вагонаў упала з насыпу вышынёй 5–6 метраў.

Паводле апошніх даных, загінуў 21 чалавек. Шпіталізаваныя 73 пацярпелыя, у тым ліку 24 знаходзяцца ў цяжкім стане, уключаючы 4 непаўналетніх.

Рух хуткасных цягнікоў паміж Мадрыдам, Кордавай, Севільяй, Малагай і Уэльвай прыпынены.

Дапоўнена 9:43

Колькасць загінулых вырасла да 39 чалавек.