Кіроўцы аўтобусаў везлі цыгарэты ў Польшчу ў запасных колах

Рэдакцыя Reform.news · 14 студзеня 2026, 17:19

https://reform.news/be/kiro-cy-a-tobusa-vezli-cygarjety-polshchu-zapasnyh-kolah/

Польскія мытнікі затрымалі двух кіроўцаў аўтобусаў у пункце пропуску «Тэрэспаль». Яны спрабавалі нелегальна ўвезці з Беларусі ў Польшчу цыгарэты, паведамляе польская мытня.

Падчас агляду мытнікі звярнулі ўвагу на запасныя колы. Аказалася, што кіроўцы схавалі ў іх цыгарэты. Акрамя гэтага, адзін з кіроўцаў схаваў цыгарэты ў агульнадаступных месцах у аўтобусе.

Усяго было канфіскавана 1000 пачак беларускіх цыгарэт. Кіроўцаў аштрафавалі на агульную суму 24,9 тысячы злотых (8 тысяч долараў).