24 каровы вярнулі ў Беларусь з Расіі перад Новым годам

Рэдакцыя Reform.news · 5 студзеня 2026, 21:21

https://reform.news/be/24-karovy-vjarnuli-belarus-z-rasii-perad-novym-godam/

30 снежня з Беларусі ў Расію спрабавалі вывезці без дакументаў 24 каровы. Пасля праверкі Расельгаснагляду жывёл вярнулі ў Беларусь.

Грузавы аўтамабіль з каровамі спынілі ў Злынкаўскім раёне Бранскай вобласці РФ. Грузавік ехаў з Беларусі, мінаючы афіцыйныя ветэрынарныя пасты.

Супрацоўнікам Расельгаснагляду вадзіцель прад’явіў таварасуправаджальныя дакументы, якія прызначаліся для перавозкі кароў унутры Беларусі — з Гродзенскай вобласці ў Гомельскую.

Пасля разбору сітуацыі кароў вярнулі ў Беларусь. Вінаватыя асобы прыцягнутыя да адміністрацыйнай адказнасці, паведамляе Расельгаснагляд.