Скриншот видео t.me/skgovby
18-гадовы стажор загінуў сёння ўдзень на атракцыёне ў Магілёве. Паводле інфармацыі Следчага камітэта, хлопец праходзіў навучанне на пасаду аператара атракцыёнаў.
Дапамагаючы наведвальніку бяспечна пакінуць карусель, ён не зафіксаваў рабочы механізм. У гэты момант яго зачапіла рухомая частка атракцыёна. У выніку ён атрымаў цяжкую траўму галавы, ад якой памёр.
Асноўнай версіяй здарэння называецца парушэнне правілаў тэхнікі бяспекі.
На месцы трагедыі працуе следча-аператыўная група. Праводзіцца агляд, фіксуецца слядавая карціна, апытваюцца відавочцы і адміністрацыя парка, канфіскуюцца эксплуатацыйная дакументацыя на атракцыён і журналы інструктажоў па тэхніцы бяспекі і ахове працы. Плануецца прызначэнне шэрагу экспертыз. Абставіны здарэння будзе ўстанаўліваць Магілёўскі міжраённы аддзел СК у ходзе праверкі.