Брукаванку пад Стоўбцамі ХVI-XIX стагоддзяў працягваюць нішчыць — фотафакт

Культура
Фота: facebook.com/valer.dranchuk.

Фотарэпартаж па выніку правядзення «рамонтных прац» на тракце Новы Свержань — Мір размясціў 10 ліпеня ў сваіх сацсетках Валер Дранчук, руплівец, які ў 2015 годзе змагаўся за наданне аб’екту статусу гісторыка культурнай каштоўнасці.

«Пад Стоўпцамі ЗНІШЧЫЛІ БРУКАВАНКУ — першую ў гісторыі, якую ўшанавалі статусам помніка архітэктуры шэсьць гадоў таму, — напісаў краязнаўца. — У Сьпісе гісторыка-культурных каштоўнасцяў Беларусі яна застанецца толькі фармальна — насамрэч яе ўжо няма… На гэтым мейсцы празь месяц будзе ляжаць асфальт!»

Брукаванку пад Стоўбцамі ХVI-XIX стагоддзяў працягваюць нішчыць - фотафакт
Фота: facebook.com/valer.dranchuk.

Спадар Валер выклаў у сеціва не толькі фота, але і афіцыйны пратакол 2015 года, падпісаны старшынёй Рэспубліканскай навукова-метадычнай рады, намеснікам міністра культуры Аляксандрам Яцко. У ім сказана, што «брукаванаму ўчастку тракту Новы Свержань — Мір (брукаваная праезджая частка, узбочына, прыдарожныя пасадкі дрэў) ХVI-XIX стагоддзяў, які размешчаны на 1.8 — 3.1 кіламетры ўчастка аўтамабільнай дарогі П 00025″ нададзены статус помніка архітэктуры катэгорыі «3».

Брукаванку пад Стоўбцамі ХVI-XIX стагоддзяў працягваюць нішчыць - фотафакт
Фота: facebook.com/valer.dranchuk.

Першыя звесткі аб тым, што брукаванка была ўзрыта, з’явіліся некалькі дзён таму ў тэлеграм-канале «Спадчына», але тады не было дакладнасці, ці знаходзіцца пашкоджаны ўчастак пад аховай.

Зараз Валер Дранчук канстатуе страту каштоўнасці, якой, па падліках спецыялістаў, ад 300 да 600 гадоў.

Брукаванку пад Стоўбцамі ХVI-XIX стагоддзяў працягваюць нішчыць - фотафакт
Фота: facebook.com/valer.dranchuk.

Рамонтныя працы на дарозе звязваюцца з падрыхтоўкай да абласных Дажынак, які сёлета пройдуць у Стоўбцах.

Если вы нашли ошибку, пожалуйста, выделите фрагмент текста и нажмите Ctrl+Enter.

🔥 Читайте нас в Google News, Facebook, Twitter или Telegram!

Последние новости


REFORM.by


Сообщить об опечатке

Текст, который будет отправлен нашим редакторам: