13 верасня ва Украіне развіталіся з беларускім добраахвотнікам Ціханам Клюкачом (пазыўны «Франц»).
«Пачэсная варта аддала належнае Герою трайным залпам, а прадстаўніцы, якую загадзя вызначыў Ціхан, былі перададзеныя нацянальныя сьцягі Беларусі, Украіны і штандар 60 АМБр», — паведамляе тэлеграм-канал Беларускага добраахвотніцкага корпуса.
Клюкач загінуў 9 мая на Ліманскім напрамку. Эвакуацыя цела і апазнанне занялі 4 месяцы.
У 2020 годзе Клюкача затрымалі за ўдзел у адным з маршаў. Яго абвінавацілі ў злосным хуліганстве і ўдзеле ў групавых дзеяннях, якія груба парушаюць грамадскі парадак, і прыгаварылі да 1,5 года калоніі. Пасля вызвалення ў 2022 годзе Ціхан з’ехаў з Беларусі і далучыўся да беларускіх добраахвотнікаў ва Украіне.
