Спецпасланнік прэзідэнта ЗША Джон Коўл плануе зноў прыехаць у Мінск прыкладна праз месяц і спадзяецца на вызваленне соцень палітвязняў, піша Reuters.
Паводле слоў Коўла, ён разлічвае зноў наведаць Беларусь прыкладна праз месяц для вызвалення наступных палітвязняў.
«Спадзяюся на сотні [вызваленых]. Не ведаю. Я спадзяюся. Упэўнены, што мы даможамся большага», — сказаў Коўл агенцтву.
Нагадаем, сёння ў выніку перамоў Коўла і Аляксандра Лукашэнкі былі вызваленыя 25 чалавек. Іх вывезлі з Беларусі ў Літву. У абмен ЗША здымуць санкцыі з «Беллеспаперапрама» і «Лакафарбы». Таксама Коўл заявіў, што вызваленне палітвязняў і зняцце санкцый працягнуцца.
